بابەتەکان

بەش: 360
سەردانەكان: 3303

stanfordoval

شه‌مه‌نده‌فه‌ره‌که‌ له‌ یه‌کێک له‌ ویستگه‌کان ڕاوه‌ستا له‌ شارئ بوسطن ی ئه‌مریکی ژن و مێردێک به‌ جلێکی ساده‌وه‌ دابه‌زین . ژنه‌که‌ جلێکی له‌ به‌ردا بوو که‌ له‌ لۆکه‌ درووست کرابوو پیاوه‌که‌ به‌رگێکی ئاسایی له‌ به‌ردا بوو که‌ به‌ده‌ستی خۆی دروو بووی  ژن و مێرده‌که‌ یه‌کسه‌ر به‌ هه‌نگاوێکی پڕ له‌ شه‌رم هێواشه‌‌وه‌ به‌ره‌و ئۆفیسی به‌ڕێوه‌به‌ر ی سه‌رۆکی [ زانکۆی هارڤارد ] که‌وتنه‌ ڕێ .
پێشتر هیچ موعیدێکیان ڕێک نه‌خست بوو بۆ یه‌کتری بینین...


چوونه‌ ژووره‌وه‌ و به‌ڕێوه‌به‌ری ئۆفیسی سه‌رؤکی زانکۆ که‌ کچێک بوو به‌ ژن و مێرده‌ لادێی ه‌که‌ی ووت :

 

سه‌رۆک زۆر سه‌ری قاڵه‌و ناتوانێت به‌م زووانه‌ بتان بینێت :
خێرا ژنه‌ لادێی یه‌که‌ ووه‌ڵامی دایه‌وه‌و به‌ هه‌موو دڵنیایی یه‌که‌وه‌ پێی ووت ...چاوه‌ڕێی ده‌که‌ین ..!!
ژن و مێرده‌که‌ بۆ چه‌ند کاتژمێرێک چاوه‌ڕێ یان کرد و کچه‌ به‌ڕێوه‌ به‌ره‌که‌ش گوێی پێ نه‌دان به‌ ته‌واوی
به‌و هیوایه‌ی که‌ ئه‌و هه‌ست و ئاواته‌ی هه‌یانه‌ پشت گوێی بخه‌ن و بێزار بن و له‌ ئۆفیسه‌که‌ بڕۆنه‌ ده‌ره‌وه‌
به‌ڵام ژن و مێرده‌که‌ زۆر ئارام بوون و بۆ مه‌به‌ستێکی زۆر گرنگ هاتوون هه‌ر ئه‌بێت جێ به‌جێ بکرێت..
به‌ڵام کات ده‌ڕۆیشت و ژن و مێرده‌که‌ هه‌ر به‌رده‌وام ده‌یان ویست که‌ سه‌رۆکی زانکۆ ببینن
سکرتێره‌که‌ تووڕه‌ بوو ...
بڕیاری دا که‌ به‌سه‌رۆک بڵیت و تکای لێ کرد که‌ ئه‌و دوو که‌سه‌ ببینێت بۆ چه‌ند خوله‌کێک به‌ڵکوو دوایی بڕۆن .
سه‌رۆک به‌ تووڕه‌یی یه‌که‌وه‌ سه‌رێکی ڕاوه‌شاند وه‌ ئه‌وه‌ش نیشانه‌ی بێزار بوونی پێوه‌ دیار بوو ..
ئه‌وانه‌ی له‌و پله‌و پایه‌یه‌دان وه‌کوو ئه‌و ‌کاتیان نیه‌ که‌ که‌سانی له‌و شێوه‌یه‌ی ژن و مێرده‌که‌ ببینن
یان چاوپێ که‌وتنی له‌گه‌ڵ ساز بده‌ن
جگه‌ له‌وه‌ش ئه‌و رقی ده‌بێته‌وه‌ له‌و جل و به‌رگه‌ی ئه‌وان که‌به‌ لۆکه‌ درووست کراوه‌و مۆده‌یه‌کی کۆنه‌و ،
ئه‌وانیش له‌ شێوه‌ی جووتیاره‌کانن

هه‌رچۆنێک بێت ڕێگه‌ی دان بۆ چه‌ن خوله‌کێک بیان بینێت ...

کاتێک ژن و مێرده‌که‌ چوونه‌ ژووری سه‌رۆک ..ژنه‌که‌ ووتی :

ئه‌وان کاتی خۆی کوڕێکیان هه‌بووه‌ له‌م زانکۆ یه‌ [ زانکۆی هــــارڤارد ] خوێندوویه‌تی
بۆ ماوه‌ی ساڵێک به‌ڵام به‌هۆی کاره‌ساتێکه‌وه‌ مردووه‌ .
له‌به‌ر ئه‌وه‌ی که‌ کوڕه‌که‌یان زۆر به‌ختیار بووه‌ له‌و ماوه‌یه‌ی که‌ له‌م زانکۆ دێرینه‌دا به‌سه‌ری بردووه‌
بڕیار مان داوه‌ که‌ شتێک ببه‌خشین به‌م زانکۆیه‌ بۆ سه‌روه‌ری ناوی کوڕه‌که‌مان‌ .

سه‌رۆکی زانکۆ هیچ گوێی به‌و قسه‌یه‌ی دایکی کوڕه‌که‌ نه‌دا به‌ڵکو به‌ زمانێکی زبر ووه‌ڵامی دانه‌وه‌ :
خانمه‌که‌م ، ناتوانین بینایه‌ک درووست بکه‌ین، بۆ هه‌رکه‌سێک له‌م زانکۆیه‌دا خوێندبێتی و مردبێت و یادی بکه‌ینه‌وه‌

زانکۆ ده بێته‌ دارستانێک له‌ بینا و په‌یکه‌ری یاده‌وه‌ری .

لێره‌دا ژنه‌که‌ وه‌ڵامی دایه‌وه‌ ووتی :
ئێمه‌ نامانه‌وێت په‌یکه‌ری بۆ بکه‌ن ،
به‌ڵکو ده‌مانه‌وێت بینایه‌ک له‌ هارڤارد ا درووست بکرێت و ناوی کوڕه‌که‌مانی له‌سه‌ر بێت .
به‌ڵام ئه‌م قسه‌یه‌ به‌ گوێی سه‌رۆک دا نه‌چوو
به‌ چاوێکی پڕ له‌ قیینه‌وه‌ به‌رانبه‌ر ئه‌و جل و به‌رگه‌ لۆکه‌ییه‌ی به‌ریان به‌ گاڵته‌جاڕێ یه‌وه‌ ووتی :
ئایا هیچ بییرتان له‌ بینایه‌کی وا کردۆته‌وه‌ که‌ چه‌ندی تێ ده‌چێت ؟

بیناکانی زانکۆ نزیکه‌ی 7.5 ملیون دۆلار له‌سه‌رمان که‌وتووه‌

که‌مێک بێده‌نگ بوون
سه‌رۆک وا تێ گه‌ییشت که‌ ئێستا ده‌توانێت خۆی ده‌رباز بکات له‌ ژن و مێرده‌که‌
لێره‌دا ژنه‌که‌ ڕووی وه‌رگێراو به‌ مێرده‌که‌ی ووت :
به‌ڕێز ستانفورد : مادام زانکۆیه‌ک به‌ ته‌واوی ئه‌وه‌نده‌ی تێ ده‌چێت ...
که‌واته‌ بۆچی زانکۆ یه‌ک به‌ ناوی کوڕه‌که‌مانه‌وه‌ دانه‌مه‌زرێنین ..؟؟
میرده‌که‌ش سه‌ری ڕاوه‌شاند و ڕازی بوو ..

ژن و مێرده‌که‌ [ لیلند ستانفورد و جین ستاندفورد ]ژووری سه‌رۆکیان به‌جێ هێشت
له‌ نێو نائومێدی و دڵشکاوی یان لای سه‌رۆکی زانکۆی هارڤارد ...به‌ره‌و کالیفۆرنیا سه‌فه‌ریان کرد
له‌وێ له‌ Palo Alto, California زانکۆی ستانفۆرد یان دامه‌زراند که‌ تا ئێستا ناوی ئه‌م خێزانه‌ی هه‌ڵگرتووه‌
بووه‌ سه‌روه‌ری یه‌ک بۆ کوڕه‌که‌یان که‌ هیچ حسابێکی له‌ زانکۆی هارڤارد بۆ نه‌کرا
ئه‌م ڕووداوه‌ش ساڵی 1884 زایینی ڕووی داوه‌

له‌ ڕاستیدا: پێویسته‌ هه‌میشه‌ گوێ بگرین

که‌ گوێمان گرت تێی بگه‌ین و به‌ ئاگا بین

ئه‌گه‌ر گوێمان گرت یان نا
گرنگ ئه‌وه‌یه‌ له‌ خۆمانه‌وه‌ حوکم به‌سه‌ر خه‌ڵکدا نه‌ده‌ین
له‌ سه‌ڕوخسارو و جل و به‌رگیان ..
یان له‌سه‌ر شێوه‌ی قسه‌ کردنیان
گرنگ ئه‌وه‌یه‌ کتێبێک له‌ عینوانه‌که‌یه‌وه‌ نه‌خوێنینه‌وه‌ ...!!
ئه‌گه‌ر چی نرخه‌که‌ی ساڵی 1884 ....... 7.5 ملیون دۆلاریش بووبێت .
.
.
.

ئه‌مه‌ چیرۆکێکی ڕاسته‌قینه‌یه‌و [ مالکۆڵم فوربز ] گێڕاوی یه‌تیه‌وه‌
تا ئێستاش ناوی خێزانی ستانفورد له‌ گۆڕه‌پان و بیناکانی زانکۆ نه‌خشێنراوه‌

ئاماده کردنی بۆ کوردماکس و وه رگێڕانی :هوشیار