ڕۆی هۆدگسۆن:

ناوی ته‌واوی ڕۆی هۆدگسۆنه‌ له‌ 9-8-1947 له‌ كرۆیدۆنی ئینگلیزی له‌دایك بووه‌ ئه‌و له‌ ژیانی یاریزانی له‌ هێلی به‌گری یاریده‌كرد ئێستاش ڕاهێنه‌ری یه‌كه‌می هه‌ڵبژارده‌ی ئینگه‌ڵته‌رایه‌.

ژیانی وه‌كو یاریزان:

له‌ساڵی 1963 په‌یوه‌ندی به‌یانه‌ی كریستاڵ پاڵاسه‌وه‌ كردو تا ساڵی 1966 له‌ ڕیزی ئه‌و یانه‌یه‌ ماییه‌وه‌ كه‌ له‌وماوه‌یه‌ هیچ یاریه‌كی ئه‌نجام نه‌دا بۆیه‌ هه‌ر له‌وساڵ په‌یوه‌ندی به‌یانه‌ی تۆن بریجه‌وه‌ كرد و 3 ساڵیش له‌وێ مایه‌وه‌ پاشان تا ساڵی 1976 ده‌گوازرایه‌وه‌ له‌ نێوان یانه‌كانی گراڤسین و میدستۆن و ئه‌شفۆرد تاون و برێك پاڕك و چارتۆن ئه‌تڵه‌تیك كه‌ هه‌ر له‌و یانه‌یه‌ش كۆتای به‌ژیانی وه‌رزشی هێنا له‌ته‌مه‌نی 29 ساڵی كه‌وا ده‌توانین بڵێین هۆدگسۆن له‌ ژیانی یاریزانی یاریزانێكی سه‌ركه‌وتو نه‌بوو.

 


هۆدگسۆن وه‌كو ڕاهێنه‌ر:

 

له‌ساڵی 1976 دوای وازهێنانی له‌یاریزانی ڕویكرده‌ وڵاتی سوید و ئه‌ركی ڕاهێنه‌رایه‌تی یانه‌ی هاڵمستادی سویدی گرته‌ ئه‌ستۆ و له‌ یه‌كه‌م وه‌رزی دا توانی خولی سویدی به‌ده‌ست بهێنێت وه‌ له‌ساڵی 1979 توانی بۆ جاری دووه‌م خولی سویدی به‌ده‌ست بهێنێت وه‌تا ساڵی 1980 له‌ یانه‌یه‌ مایه‌وه‌ دواتر ڕویكرده‌وه‌ ئینگڵته‌را و ئه‌ركی ڕاهێنانی یانه‌ی بریستۆڵ گرته‌ ئه‌ستۆ به‌ڵام سه‌ركه‌وتو نه‌بوو بۆیه‌ دووباره‌ گه‌ڕایه‌وه‌ سوید و بوو به‌ ڕاهێنه‌ری یانه‌ی ئۆدیڤۆ وه‌ پاشانیش بۆ یانه‌ی ئۆربۆی هه‌مان وڵات.

له‌ساڵی 1985 په‌یوه‌ندی به‌یانه‌ی مالمۆوه‌ كرد 5 ساڵ مایه‌وه‌ توانی هه‌ر 5 ساڵ خولی سویدی و وه‌ 2 جاریش جامی سوید به‌ده‌ست بهێنێت كه‌ ئه‌مه‌ش گه‌وره‌ترین ده‌سكه‌وتی ئه‌و كاتی بوو وه‌كو ڕاهێنه‌ر.
له‌ساڵی 1990 ڕویكرده‌ وڵاتی سویسڕا ئه‌ركی ڕاهێنانی یانه‌ی نیو شاتل ئێكسماكسی گرته‌ ئه‌ستۆ وه‌ تا 1992 مایه‌وه‌و پاشانیش تا ساڵی 1995 وه‌كو ڕاهێنه‌ری هه‌ڵبژارده‌ی سویسڕا دیاریكرا به‌ڵام نه‌یتوانی بیگه‌ینێته‌ یۆرۆی 1996 بۆیه‌ له‌ كاره‌كه‌ی دوورخرایه‌وه‌.

له‌ نێوان ساڵانی 1995تا 1997 ئه‌ركی ڕاهێنانی یانه‌ی ئینته‌رمیلانی ئیتاڵی گرته‌ ئه‌ستۆ و تیادا له‌وه‌رزی 1996-1997 توانیان بگه‌نه‌ یاری كۆتای جامی یه‌كێتی ئه‌وڕوپی به‌ڵام له‌سه‌ر ده‌ستی یانه‌ی شالكه‌ توشی دۆڕان هاتن وه‌ هۆدگسۆنیش ده‌ستی له‌كاره‌كه‌ی كێشایه‌وه‌ په‌یوه‌ندی به‌یانه‌ی بلاكبێرنه‌وه‌ كردو بۆ ماوه‌ی 1 ساڵ به‌ڵام له‌كۆتای وه‌رز دوورخرایه‌وه‌.

وه‌ له‌ساڵی 1999 دوباره‌ گه‌ڕایه‌وه‌ یانه‌ی ئینته‌ر بۆ ئه‌وه‌ی له‌ چه‌ند هه‌فته‌ی كۆتای ئه‌ركی یانه‌كه‌ی بگرێته‌ ئه‌ستۆ به‌ڵام دوای ته‌واوبونی وه‌رز ڕازی نه‌بوو بۆنده‌كه‌ی نوێبكاته‌وه‌.
له‌ساڵی 1999 بۆماوه‌ی 1 وه‌رز ئه‌ركی ڕاهێنانی یانه‌ی گراسهۆبرزی سویسڕی گرته‌ ئه‌ستۆ وه‌ دواتر ڕویكرده‌ وڵاتی دانیمارك بۆماوه‌ی 1 وه‌رز ئه‌ركی ڕاهێنانی یانه‌ی كۆپنهاگنی پێدرا توانی له‌و وه‌رزدا خول و جامی دانیماڕكی به‌ده‌ست بهێنێت.

له‌ساڵی 2001 تا 2010 ئه‌ركی ڕاهێنانی یانه‌ی ئۆدێنزی ئیتاڵی و هه‌ڵبژارده‌ی ئیماراتی عه‌ره‌بی و یانه‌ی ڤاكینگی نه‌رویجی و هه‌ڵبژارده‌ی فنله‌ندا گرته‌ ئه‌ستۆ به‌ڵام هیچ ئه‌نجامێكی ئه‌وتۆی نه‌بوو تا ساڵی 2010 ڕویكرده‌ یانه‌ی فولهام و له‌گه‌ڵ ئه‌ویانه‌یه‌ توانی بگاته‌ یاری كۆتای جامی یه‌كێتی ئه‌وڕوپی به‌ڵام به‌یانه‌ی ئه‌تڵه‌تیكۆمه‌درید دۆڕا به‌ڵام ئه‌وه‌ ده‌سكه‌وتێكی باشبوو بۆ یانه‌یه‌كی بچوكی له‌نده‌ن وه‌كو فولهام.
وه‌ دوای ڕۆیشتنی ڕافایێل بینتیز له‌یانه‌ی لێڤه‌رپول ده‌سته‌ی كارگێری یانه‌كه‌ گرێبه‌ستێكیان له‌گه‌ڵ هۆدگسۆن ئیمزا كرد كه‌ ئه‌وساڵ هۆدگسۆن باشترین ڕاهێنه‌ر بوو له‌خولی ئینگلیزی به‌ڵام نه‌یتوانی ئه‌نجامی ڕازیكه‌ر به‌ده‌ست بهێنێت بۆیه‌ دووای 31 هه‌فته‌ له‌كاره‌كه‌ی دوورخرایه‌وه‌.

له‌ساڵی 2011 په‌یوه‌ندی به‌یانه‌ی وێست برۆمیچ ئه‌لبیۆنه‌وه ‌كردو توانی له‌ماوه‌ی 2 وه‌رز ئه‌و یانه‌یه‌ له‌خولی نایابی ئینگلیزی بهێڵێته‌وه‌ و چه‌ندین ئه‌نجامی چاوه‌ڕوان نه‌كراو به‌ده‌ست بهێنێت كه‌وا له‌ كۆی 54 یاری 20 بردنه‌وه‌ی به‌ده‌ست هێنا بوو.

دووای ئه‌وه‌ی فابیۆ كاپێللۆی ئیتاڵی به‌شێوه‌یه‌كی چاوه‌ڕوان نه‌كراو ده‌ستی له‌كار كێشایه‌وه‌ له‌ گه‌ڵ هه‌ڵبژارده‌ی ئینگڵته‌را ئه‌وه‌بوو له‌ 14-5-2012 یه‌كێتی تۆپی پێی ئینگلیزی بۆندێكی له‌گه‌ڵ هۆدگسۆن ئیمزاكرد بۆ ئه‌وه‌ی ڕابه‌رایه‌تیان بكات له‌ یۆرۆی 2012ی ئۆكڕانیا و پۆله‌ندا.

هۆدگسۆن له‌ ژیانی ڕاهێنه‌رایه‌تی كه‌وا بۆ ماوه‌ی 36 ساڵه‌ به‌رده‌وامه‌ 952 یاری ئه‌نجامداوه‌ له‌ 410 براوه‌ بووه‌ و له‌ 284 ی به‌رامبه‌ر بووه‌ و له‌ 258 ی دۆڕاوه‌.

ده‌سكه‌وته‌كانی:

له‌گه‌ڵ هالمستاد:

خولی سویدی 2 جار 1976----1979

له‌گه‌ڵ مالمۆ:

خولی سویدی 5 جار 1985—1986--1987
--1988—1989.
جامی سویدی 2 جار 1986—1989.

له‌گه‌ڵ ئینته‌رمیلان:

دووه‌می جامی یه‌كێتی ئه‌وروپی 1997.

له‌گه‌ڵ كۆپنهاگن:

جام و خولی دانیماركی 1 جار 2000-2001.


له‌گه‌ڵ فولهام:

دووه‌می جامی یه‌كێتی ئه‌وڕپی 2010
باشترین ڕاهێنه‌ر له‌خولی ئینگلیزی 2010.


ئاماده‌کردن : شوان ئه‌نوه‌ر